હકૂમતની બહાર બજવણી કરવા માટે પોલીસ અધિકારીને આપેલું વોરંટ

(૧) કોઇ પોલીસ અધિકારીને બજાવવા આપેલું વોરંટ વોરંટ કાઢનાર ન્યાયાલયની સ્થાનિક હકૂમતની બહાર બજાવવાનું હોય ત્યારે તે અધિકારીએ જે એકિઝકયુટિવ મેજિસ્ટ્રેટની પાસે અથવા પોલીસ સ્ટેશનના ઇન્ચાજૅ અધિકારી કરતા ઉતરતા દરજજાના ન હોય તેવા જે પોલીસ અધિકારીની સ્થાનિક હકૂમતમાં તે વોરંટ બજાવવું હોય તેની પાસે શેરો થવા માટે સામાન્ય રીતે તે વોરંટ લઇ જવું જોઇશે.

(૨) એવા મેજિસ્ટ્રેટ અથવા પોલીસ અધિકારીએ તે વોરંટ ઉપર પોતાના નામનો શેરો કરવો જોઇશે અને એવા શેરાથી જે પોલીસ અધિકારીને વોરંટ બજાવવા આપ્યું હોય તેને તે વોરંટ બજાવવાનો પૂરતો અધિકાર મળશે અને એવા અધિકારીને તે વોરંટ બજાવવામાં જરૂર હોય તો સ્થાનિક પોલીસે સહાય કરવી જોઇશે.

(૩) જે મેજિસ્ટ્રેટ અથવા પોલીસ અધિકારીની સ્થાનિક હકૂમતમાં વોરંટ બજાવવાનું હોય તેનો શેરો મેળવતા ઢીલ થવાના પરિણામે તેની બજવણી નહિ થઇ શકે એમ માનવાને જયારે પણ કારણ હોય ત્યારે જેને તે વોરંટ બજાવવા આપ્યું હોય તે પોલીસ અધિકારી એવો શેરો કરાવ્યા વિના વોરંટ કાઢનાર ન્યાયાલયની સ્થાનિક હકૂમતની બહાર કોઇપણ સ્થળે તે વોરંટ બજાવી શકશે.